ഒരു പൂച്ചെടിയുടെ നഷ്ട സ്വപ്നം

എന്നുമീ ആത്മ സുഖം തേടും ലോകത്ത്
ധൃതിയിലപഹരിച്ചീടുമെൻ മനം
തടയുവാനാവാതെ വഴി വെട്ടി മാറാതെ
പിടിയിലകപ്പെട്ടതീയെൻ മനം
അലയുന്ന ശലഭങ്ങളൊരുപാട് വന്നു

വലം വച്ചു പോകുമീ സുരഭിലമാം നിത്യ സ്വപ്നങ്ങൾ
പറയുവാനാവാതെ വിസ്മരിച്ചീടിനാൽ
എന്റെ നല്ല കാലമിന്നകലത്തിലായി.
ഇന്ന്, അരികിൽ പറന്നിടും ശലഭങ്ങളൊക്കെയും
തേൻ നുകരാതെ നോക്കാതെ അകന്നിട്ടുന്നു.
വിടരുവാനാവാതെയെൻ ആത്മ മുകുളങ്ങൾ
പൊഴിയുന്നു ശിഖരങ്ങളറിയാതെ.
അടരുമീ മുകുളങ്ങൾ നോക്കി ഞാൻ ചൊല്ലീ
എന്റെ ആത്മ ശിഖരങ്ങളിനി പൂക്കുകില്ല.